Madaxweyne-yaashu waxay maamulaan bulsho ama dad inay tahayba , iyaguna waxay ugu bedelaan maamulkiisa daryeel , u dhaga nuglaan iyo ixtiraamid , haddii la dhargaayo madaxweynahu sida aadmigu sameeyo waa ka ugu horeeya xataa haddii aanu isagu dooran cidda uu u dooran yahay ayaa u doorta , haddii la dhimanayana waa ka ugu dambeeya. Waa haddii la ogyahay waxa geerida sababayee .
Waxaanse anigu garanayaa madaxweyne dhimanaya oo kii ugu dhawaa uu ka orday markii uu bad-baado weydiistay, madaxwenuhu wuu qaylinayey waxa uu ku cel-celinayey i bad-baadiya waliba hebelaw i bad-baadi waan dhimanayaaye.
Madaxweynuhu sida u badan waxa uu ku fikiraa aragti ka duwan ta dadka shacabka ahi qabaan iyagu hala qaataan amaba yeyna la qaadanine , madaxweynahan la bad-baadin waayey , daqiiqado ka hor inta ayna geeridu soo weerarin waxa uu soo jeediyey aragti uu islahaa u gudbi shacabkiisa waana qofkii kaliya ee xaalada lagu jiray wax ka duwan ku fikiray waqtigaasi .
Aniga ayaa ka mid ah shacabka madaxweynahaasi dayacay ee bad-baadin waayey inay tahayba lamaan joogin balse hadaan xataa la joogi lahaa waxba uma qabteen , maaha inaan necebahay , necayb warkiisaba daaye waan jeclaa runtii oo waa sababta isaga oo dhintay aan wali uga sheekaynayo balse xaalada lagu jiray ayaan aniga iyo intii la joogtayba u suuro gelinaynin inay wax u qabtaan , qofka isku daya inuu wax u taro waa mid jeclaystay in aanu dunida isaga qof aan ahayni madaxweyne ugu sii noqonin sidaasina uu u raaca hooygii Aakhiro ee uu madaxwenuhu safarka u ahaa .
Nin murugasan ayaa aniga horta iiga sheekeeyey halka ay ku dambaysay xaalka madaxweynuhu , waana ninka kaliya ee uu in ka badan saddex boqol oo qof uu ka ag dhawaa uu ka dalbaday inuu ugu hiiliyo inuu dunida sii joogo , balse waan diiday ayuu igu yidhi , intaan sidii qof xabad ridaaya indhaha isku qabtay ayaan weydiiyey sababta, balse markii uu iiga sheekeeyey xaalka lagu jiray iyo meesha wehelka loo ahaa inuu u duceeyo uun ayaan hadalkii ku xigay ka dhigay .