Haweenaydii Ugu Horreysay Oo Dalka Denmark Lagu Gannaaxo Niqaam Ay Soo Xidhatay !
August 6, 2018 - Written by Berbera Today
Denmar(Berberatoday.com)-Dawladda Denmark ayaa waxay fulisay gannaaxii ugu horreeyay ee lagu gannaaxo haweenay xidhnayd niqaam kadib markii guud ahaan ba dalkaasi ay xukuumaddu ku soo rogtay amar ah in aan la xidhan karin xijaabka iyo niqaamka ba.
Wakaaladda Wararka ee Ritzau oo Wargeyska Himilo ka soo xigtay ayaa waxay baahisay in dad ku sugnaa goob ganacsi oo ku taalla Horsholm ay ciidammada Bileyska ku soo war galiyeen in haweenay Niqaam xidhani ay goobtaasi ku sugan tahay, intaasi kadibna waxa goobtaasi si degdeg ah usoo gaadhay ciidammada Bileyska waxaanay haweenay ka mid aheyd dadkii goobtaasi ku sugnaa isku dayday inay niqaamka ka saarto haweenaydaasi. Ciidammada Bileyska ayaa haweenaydaasi niqaamneyd oo da’deeda lagu sheegay 28 jir waxay ku amreen inay niqaamkaasi bixiso amase ay goobtaasi ka baxdo, waxaanay gabadhaasi dooratay inay goobtii ka baxdo.