Dalka Mareykanka Laba Shaqaale Hutel Ah Oo Shaqadoodii Ku Waayay Cunsuriyad Ah Kula Dhaqmee Macmiil Afrikan Ah Oo Hutelkaas Daganaa
January 1, 2019 - Written by admin
Portland(Berberatoday.com)-Hutteel lagu magacaabo DoubleTree oo ku yaalla Magaalada Portland ee Dalka Maraykanka ayaa shaqada ka diray labo ka mid ah shaqaalahooda, kaddib markii lagu soo eedeyey in nin Afrikaan ah ay si cunsurinimo ah ula dhaqmeen.
Jermaine Massey, oo 34 sanno jir ah ayaa waxa lagu eedeeyey inuu ka dhaga adeygay in huteelka uu ka baxo, waxaana markii dambe dhismaha huteelka ka saaray ilaalada oo dibadda uga kexeeyay.
Mr Massey ayaa sheegay inuu teleefoonka kula hadlayey hooyadii, uuna daganaa huteelka, isla-markaana aanu ogeyn waxa lagu heysto.