War Deg Deg Ah”Dagaaal Ka Socda Ceel Afweyn Iyo Khasaaraha Ilaa Hada Ka Dhashay
August 12, 2019 - Written by admin
Ceel Afweyn(Berberatoday.com)-Dagaal ayaa mar kale ka qarxay deegaanka Ceel Afweyn ee gobolka Sanaag.
Dagaalkan oo u dhaxeeya labada beelood ee sanadadii ugu dambeeyey colaadu ka dhextaagnayd ayaa ka dhashay dil loo gaystay nin lagu dilay kaalin shiidaal oo ku dhextaala magaalada Ceel Afweyn.
Wariyaha Hadhwanaagnews ee gobolka Sanaag ayaa xaqiijiyey in dagaalku dhexmaray labadan beelood isla markaana khasaaraha ka dhashay ilaa hada la ogyahay laba qof oo dhimasho ah iyo afar qof oo dhaawac ah.
Dhinaca kale wariye Elsar ayaa sheegay in ciidamada somaliland ay ku hawlanaayeen sidii ay u kala dhexgali lahaayeen beelaha dagaalku ku dhexmarayo gobolka Sanaag, isaga oo xusay in badhasaabkii gobolkuna uu haatan u baxay dhinaca deegaanka uu dagaalku ka socdo.