“Madaxweyne Deni Wuxuu Xaqiray Xuquuqdii Yarayd Ee Uu Dastuurku Siiyay Madaxweyne Ku Xigeenka” Cabdixakiin Dhoobo daareed.
May 25, 2020 - Written by Berbera Today
Muqdisho(Berberatoday.com)-Guddoomiyihii hore ee barlamaanka Puntland, Cabdixakiin Maxamed Axmed (Dhoobodaareed), ayaa ku eedeeyay madaxweynaha Puntland Siciid Deni inuu masuul ka yahay khilaafka u dhexeeya isaga iyo ku xigeenkiisa.
Mr, Dhoobo oo bixiyay wareysi dheer ayaa sheegay in madaxweyne Deni uu kasoo horjeedo in talada Puntland ay wax ku yeeshaan dadka ugu dhow ee la shaqeeya sida madaxweyne ku xigeenka iyo guddoonka barlamaanka.
Waxaa uu sheegay khilaafka isaga iyo Axmed Karaash inuu ka dhashay markii madaxweynuhu uu diiday inuu la tashado ku xigeenkiisa. Wuxuuna tilmaamay inuu kamid ahaa dadkii xalliyay khilaafkaas si uusan bannaanka ugusoo bixin.