Qarax Khasaare Badan Sababay Oo Gilgilay Caasimadda Lubnaan Ee Beirut
August 5, 2020 - Written by admin
Beirut(Berberatoday.com)-Ugu yaraan 50 Ruux, ayaa ku dhintay, 2,750 qof oo kalena way ku dhaawacmeen Qarax weyn oo ka dhacay magaalo madaxda Lubnaan ee Beirut, iyadoo la filayo xukunka dadka loo hayo dilka Raysal wasaarihii hore ee dalkaasi ee Rafik Hariri oo 2005-tii la dilay.
Wararka, ayaa sheegaya in qaraxu uu ka dhacay agagaarka dekadda magaalada. Waxaa jira warar kale oo aan la xaiijin oo tibaaxaya inuu dhacay qarax kale, illaa haatanna ma cadda waxa sababay qaraxyadaasi. Waxaa illaa haatan la sheegay inay ku dhineen 50 qof, halka 2,750 kalena ay ku dhaawacmeen, sida ay faafiyeen wakaaladaha wararka ee dunidu.
Dhammaan afarta xubnood, ayaa waxay ka tirsan yihiin ururka Xisbullaah oo ay Iran taageerto, kuwaasi oo markasta iska fogeeya iney ku lug leeyihiin dilka Xariri. Iyaga oo aan joogin ayaa dambiga lagu qaaday, go’aanka maxkamadana waxa uu soo baxayaa Jimcaha.