Qaramada Midoobay Oo Dowladda Somaliya Ka Codsatay In Dib Loo Celiyo Sharciga Dambiyada Galmada
August 11, 2020 - Written by Berbera Today
Muqdisho(Berberatoday.com)-Wakiilka Sare ee Qaramada Midoobay u Qaabilsan Xuquuqda Aadanaha Michelle Bachelet ayaa dhalleeceysay sharciga horyaala baarlamaanka Soomaaliya ee ku saabsan dambiyada galmada.
Michelle Bachelet waxay sharcigan ku tilmaamtay inuu horseedayo guurka caruurta, guurka qasabka ah iyo dhaqamada kale ee naxdinta leh, waxayna ku baaqday in laga hortago inuu sharci noqdo.
Waxay sheegtay inuu jiro sharci la ansaxiyay 2018 xukuumadii Ra’iisal wasaare Xasan Cali Khayre, kaasoo baarlamaanka horyaalay muddo labo sano ah, in kasta oo aqalka hoose uu soo saaray qodobo dhowr ah oo wax ka badal lagu sameeyay oo laga dooday.