Safiirkii Maraykanka Ee Soomaaliya Oo Dawladiisa Ugu Baaqay inay Qunsuliyad Ka Furato Somaliland
January 14, 2021 - Written by admin
Hargeysa(Berberatoday.com)-Safiirkii Dawladdii Maraykanka u fadhiyey Dalka Sooaaliya intii u dhaxaysay 2016 ilaa 2017, Amb. Stephen M. Schwartz, ayaa Dawladdiisa u soo jeediyey inay qunsuliyad ka furato Somaliland.
Amb. Stephen M. Schwartz oo qoraal dheer qoray ayaa waxa kale uu Dawladdiisa u soo jeediyey inay Midowga Afrika kala shaqayso sidii loo dhisi lahaa meeqaamka Somaliland iyo in Madaxweynaha xiga Farmaajo ee Soomaaliya uu sameeyo Wada-hadallo midho-dhal ah oo uu la yeesho Somaliland.
Amb. Stephen M. Schwartz oo Arrimahaa ka hadlayaana wuxuu yidhi “Masaafadda iyo inay ka fog tahay Muqdisho, Maraykanku waa inuu Somaliland ka samaystaa Qunsuliyad, si ay u caawiso muwaaidniinta Maraykanka, Ganacsiga iyo in la dhiso xidhiidhada.”