Qiimaha Sarrifka Dollarka Oo Meel Sare Gaadhay Iyo Sababaha Loo Tirinayo Kor U Kaca
December 3, 2016 - Written by Berbera Today
Hargeysa(Berberatoday.com)-Qiimaha sarifka dollarka, ayaa gaadhay halkii u saraysay, waxaanu suuqyada caasimadda Hargeysa halkii dollar ka marayaa (8,000SL/SH), waana qiimihii u sareeyay ee la arko dollarka oo gaadhay.
Si rasmi ah looma garanayo sababta wakhtigan kicisay sarifka dollarka, waxase uu kor u kaca sarrifku saamayn ku yeeshay quutal daruuriga maceeshada oo iyaguna kor uga kacay suuqyada Hargeysa.
Ma jiro qorshe cad, oo ay xukuumadda Madaxweyne Siilaanyo u dejisay xakamaynta sarifka dollarka, marka laga reebo hadalo hanjabaad oo ay hawada u mariyaan sariflayaasha caasimadda oo ay aaminsanyihiin inay sabab u yihiin kor u kaca sarifka.