Dooni Sadex Maalmood Ka Hor Ka Shiraaqatay Dekeda Berbera Oo Qaaday Xoolo Nool Oo Ku Dagtay Biyaha Bada Dalka Cumaan
January 13, 2017 - Written by Berbera Today
Berbera(Berberatoday.com)-Doonni lagu magcaabi jirey Al-Axmediya oo saddex habeen ka hor ka shirqaatey dekedda Magaalada Berbera iyadoo siddey 593 Dibi oo ay leeyihiin ganacsato Reer Somaliland ahi una sii jeeddey dhinaca dekedda Salaala ee Waddanka Cummaan ayaa gelinkii danbe ee xalayto ku degtey meel u dhow Dekedda Salaala ee ay kusii jeeddey.
Doonnidan iyo xoolihii saarnaa ayaa gebi ahaantood baddu liqday sida uu Idaacadda BBC u sheegay Wakiilka Doontaas degtey C/raxmaan Cali Warsame halka shaqaalihii saarnaa laga badbaadiyey.