Garsoorka Spain Oo Shirkad Diyaaradeed Ku Xukumay Inay Mag-Dhaw Lacageed Siiyaan Haweenay Muslim Ah Oo Ay Ku Ciqaabeen Xidhashada Xijaabka!
February 16, 2017 - Written by Berbera Today
Madrid(Berberatoday.com)-Garsoorka Dalka Spain ayaa xukun ku soo rogay Shirkad Diyaaradeed oo haweenay Muslimad ah oo u shaqayn jirtay iyada oo xidhan xijaab in ay magdhaw lacageed siiyaan gabadhaasi, kadib markii ay shaqada ka joojiyeen kuna ciqaabeen xijaabka ay xidhatay awgeed, sidoo kale maxkamadda ayaa ku xukuntay shirkadaasi inay dib ugu ogolaato gabadhan inay sii wadato shaqadeeda isla markaana ku shaqayso xijaabka ay diinteedu farrayso.
Shirkadan oo magaceeda la yidhaahdo Acciona Airport Services ayaa makamadda ku taalla Palma De Mallorca waxay ku amartay inay fuliso xukunkaasi oo ay siiso haweenaydaa shaqaalaha u aheyd magdhaw dhan 8 kun oo Euro iyo sidoo 4,500 oo Eruo oo ay shirkadu kaga jirtay toddoba ciqaabood oo ay marsiisay haweenaydan.