|
|
Uganda(Berberatoday.com)-Gudiga doorashada ee Uganda ayaa sheegay inay ku dhawaaqayaan Sabtida natiijada ugu dambaysa ee doorashooyinka madaxweynimada iyo kuwa baarlamaaniga.
Cod bixintii dhacday Khamiistii ayaa ahayd mid muran uu hareeyey, ayadaoo banaan baxyo rabshado wata ay ka dheceen qaybo ka mid ah caasimadda ka dib xarigii hogaamiyaha mucaaradka Kizza Besigye. Habeennimadii Jimcaha ayaa la sii daayey.
Qaar ka mid ah musharraxiinta mucaaradka ayaa sheegaya in doorashadu aysan ahayn mid xor ah. Laakin xukuumadda ayaa ku adkaysanaysa in taasi aysan run ahayn. Madaxweyne Yoweri Museveni waxaa la loollamaya 7 musharrax, wuxuuna rajaynayaa inuu sii kororsado soddonkii sano ee uu xukunka hayey.
Natiijooyin hordhac ah oo ka soo baxaya guddiga doorashada ayaa muujinaya in madaxweyne Museveni uu haysto in wax yar ka badan 60% codadkii la dhiibtay.
Ninka ugu weyn mucaardka ka hor jeeda, Kizza Besigye, ayaa ku xiga oo haysta 30% natiijadii ilaa hadda lagu dhawaaqay.
Arrinta uu muranku ka taagan yahay ayaa ah in agabkii codbixinta meelaha qaar lagala daahay, taasoo la micne ah in dadka qaar aysan u suurtoobin inay codeeyaan.
Berberatoday.com