Hargeysa(Berberatoday.com)-Ismaaciil Cali Axmed waa oday 86 jir ah ay xaaskiisu ka tahriibtay, caruurtiisuna qaar waalan yihiin, dunidanna uu kaga jiro buulyar oo habeena qaar ay sababto inuu cunto waayo, isla markaana wuxuu dadka ka codsanaya inay caawimo la soo gaadhan.

Ismaaciil Axmed ayaa sheegay inuu horre ugu shaqayn jiray UN-ka, sidaanna wuxuu u sheegay Telefishinka Horn Cable Tv, waxaanu yidhi “Waan iska daciifsannahay oo dhowr sannadood suuqa Hargeysa maan arag, tacmaanimo ayaan la arki waayay iyo iska daranyo kale, bulashan ayaanu degannahay oo waxa ku hadhay aniga iyo mid waalan oo bulashan ku jira oo laba ayay ahayeen oo midi waakan halka ku jira, midna qaar bay wax isku qabteeno jeelku ku jira, islaantii way naga tahriibtay oo sannad meel ay ka dhacday mooyaanne way naga tagtay.