Louisiana(Berberatoday.com)-Ninkan oo lagu magacaabo Albert Woodfox ayaa manta si xor ah ugu socday Gobolka Louisiana ee dalka Mareeykanka kadib 43 sano cimrigiisa kamid ah oo uu ku qaatay xabsi qol dhexdiisa ah, isagoo aan loo ogoleyn in qolkaasi uu dibada uga baxo.

Angola Three ayaa ah sedex nin oo ku xirnaa xabsiga ku yaal gobolka Lousiana ayagoo loo heystay danbiyo la xiriira dilal ay geysteen, waxaana lagu magacaabaa sedexdan nin Herman Wallace, Robert King iyo Albert Woodfox.

Ninkan xabsiga laga daayay ayaa noqonaya maxsuubkii ugu waqtiga dheeraa ee lagu xiro xabsi qol ku yaal dalka Mareeykanka inta la ogyahay taariikhda dalkaasi.

Albert Woodfox ayaa lasii daayay jimcihii aynu kazoo gudubnay, kadib markii la ogaaday inuu si ulakac ah ugeystay dilka mid kamid ah ilaalada xabsiga Angola eek u yaala gobolka Louisana

69-sano jirkaan ayaa inta badan noolashiisa ku qaatay xabsiga rabshada badan ee ku yaalla gobolka Louisiana, isagoo mar uu warbaahinta la hadalayay sheegay in mudadii uu xirnaa xitaa loo diiday in uu ka qeybgalo duugta hooyada oo geeriyootay.

Herman Wallace oo kamid aha saaxiibadiisa Angola Three ayaa sheegay in loo xukumay eedaynta la xiriirta dil ay u geysteen ilaalada xabsiga.

Ugu dambeyntii ninkaan ayaa noqday ninka ugu madada dheer ee nolashiisa ku qaata xabsi taariikhda dalka Mareykanka.