|
|
Ugu horayn Illaahay baa mahadle inaga dhigay dad islaam ah isla markaana dhib walba oo soo gaadha u fahmaya imtixaan lagu eegayo in aan Alle xagiisa u noqono
Cid walba oo aad ka baqayso waad ka carartaa waxaase mahadle Illaaha markaan ka baqano aan xagiisa u cararno.
Waxaa xaqiiq ah in aanu Alle Roob iyo Raxmad midna inoo waayin lakiin uu inagu eegayo in aan garano gafafkeena waliba dembi dhaaf iyo toobad la nimaadno
Waxaa hubaal ah in Deeqluhu inagu eegayo in aan isku damqano isla markaana hadaan damiir nool la nimaadno inoogu bedalayo biyo iyo baad aan ku baahi beelno
Fadlan si aan u buuxino shuruuda ku xidhan Raxmada Sammada inooga imanaysa oo ah in aan dhulka isaga naxariisano, nala gurmo oo nala gaadhsii dadka baahida beerka ula jiifa adigana kugu xisaabtamaya waayo tusaalaha muslimiintu waa sida jidh kaliya oo hadii xubin xanuunsado inta kalena xumadda way la wadaagtaa sida Nabigeenii Muxamed SCW uu inoo sheegay.
Haddaba, si taakuladeenu weel kaliya ugu soo wada dhacaan waxaan halkan idiinkula wadaagayaa ciwaanada rasmiga ah ee aad gargaar iyo garab ugu fidin karto dadkaas abaaraha la taagta iyo tamarta daran
Zaad 4720222
E-Dahab 52222
Dahabshiil 20500
Daarasalaam bank 60186075
Baanka dhexe ee Somaliland 574
Hadaan Isku Damqano, Deequluhuna wuxuu inoogu Bedeli Biyo iyo Baad
Sharmaake Axmed Muxumed Geelle
Xoghayaha Guud ee Golaha Wasiirada JSL ahna Xoghayaha Guddida heer Qaran ee Taakulaynta Abaaraha