Hargeysa(Berberatoday.com)-Taageerayaasha Xisbiga Ucid ayaa saaka subaxnimadii hore soo dhoweyn ballaadhan kala hor tagay Musharraxa Madaxweyne ee Xisbiga Ucid aqoonyahan jamaal cali xuseen oo kasoo laabtay safar shaqo oo dalka mareynkanka uu muddo ugu maqnaa. Musharraxa Madaxweyne ee Xisbiga Ucid Jamaal cali xuseen oo saaka subaxdii hore kasoo degay diyaaradda FLY Dubai, gegida diyuuradaha ee Cigaal, ayaa soo dhoweyn ballaadhan kula kulmay, Waxana ka halkaas kusoo dhoweeyey Masuuliyiin xisbiga ka tirsan, sullaadiin, cuqaal, haween iyo dhalinyaro badan.

Musharrax Jamaal Cali Xuseen oo muddo kooban ku sugan madaarka Hargeysa, ayaa markii danbe Huteelka Summer Time quraac ugu sameeyey taageerayaashiisa, isla markaana waxa uu aad uga mahad-celiyey soo dhoweynta ay hiirtii saka kala horyimaadeen boqolaal kamid ah taageerayaasha.