Berbera(Berberatoday.com)-Ciidamada Booliska gobolka Saaxil ayaa maanta duhurkii ku baxay hawlgal weerar ah oo ay ku qaadeen Dabley lagu eedeyey inay dhowaan weerareen Dabley kaloo dhisme Deked ah ka wadday deegaanka Ceelgardi, oo ku sugnaa deegaanka Biyooley.Warar is khilaafsan oo kasoo baxay arrinta dagaalka maanta ayaa sheegaya in labada dhinac ay soo kala gaadheen khasaare iskugu jira naf iyo maalba. Waxana wararka qaarkood tibaaxeen in uu halkaas ku geeriyooday Taliyihii Ciidamada Gobolka Saaxil ee hoggaaminayey Ciidamada Booliska, walow aanay jirin warar si cad shaaca uga qaaday. Sidoo kalena waxa la sheegay inuu halkaa ku dhaawacmay badhasaabku xigeenkii gobolka Md. Xaamud.