Musharraxa Madaxweyne Ee Xisbiga Ucid Aqoonyahan Jamaal Cali Xuseen Oo Xabsiga Mandheera Ku Booqday Sallaadiin Xukuumaddu Xidhay.

March 2, 2016 - Written by Berbera Today

Hargeysa(Berberatoday.com)-Wafti ballaadhan oo uu hoggaaminayo Musharraxa Xilka Madaxweynenimo ee Xisbiga Ucid aqoonyahan jamaal Cali Xuseen ayaa maanta Xabsiga Mandheera ku booqday sallaadin dhowaan xukuumaddu xabsiga u taxaabtay, kuwaasoo ku jira halkaa, xaaladda sulaadiinta xidhan oo ahayd mid qalafsan, kuwaasoo ay soo wajaheen durufo caafimaad darro.

Musharraxa madaxweyne ee Xisbiga Ucid ayaa ka wareystay duruftooda iyo daawooyinka ay u baahan yihiin madax-dhaqameedkan xidhani, isagoo sidoo kale, balaan qaaday inuu ka caawin doono wixii kalaankiisa ah xaladooda. Musharraxa madaxweyne ee Xisbiga Ucid aqoonyan jamaal cali Xuseen ayaa markii uu xabsiga ku booqday sullaadiinta dhowaan la xidhay, kusoo laabtay hargeysa.

Geesta kale, salaadiinta Xabsiga mandheera ku jira ayaa xidhnaa muddo laba todobaad ah, kuwaasoo aan ilayo hadda weli la horkeenin sharciga. Xukuumadda somaliland oo uu ku jiro taliska guud ee booliska somaliland ayaa hore ugu eedeyey labadan suldaan inay ka danbeyeey xiisan colaadeed oo ka taagnayd deegaanka Lughaya halkaasoo dableyd beeshooda ahii weerarku qaadeen goob diiwaangelineed ay ka socoto qaadashada kaadhka codeynta.