|
|
Hargeysa(Berberatoday.com)-Gudoomiyaha xisbiga mucaaridka ah ee Waddani isla markaana ah gudoomiyaha golaha wakiilada Somaliland ayaa waxaa uu ka Hadley xoghayihii warfaafinta ee xisbigaasi Boobe Yuusuf Ducaale oo xilkii xisbiga iyo xubin nimadii xisbigaasi Maanta iska casilay
Muddane Ciro oo wareysi siiyey Saxafi Maxamed Yuusuf Bakale Oo ka tirsan wariyaaasha telefiishanka STAR waxaa uu sheegay in ay Boobe mudadii uu xisbiga ka tirsanaa ay shaqo wanaagsani dhex martey balse markii uu go,aansadey in uu xisbiga iska casilo aanu ku soo wargalin waxaana uu yidhi“Waxaan u arkaa uun arin caadi ah mujaahid Boobe xoghayihii warfaafinta ee xisbiga Waddani muddo ayaanu wada shaqeynaynay si wanaagsan ayaanu u wada shaqeynay wax dhibaato ahi may jirin xoghayuhu igamuu soo war galin in uu is casilaayo qoraal iyo telefoon midnaba markii horana Boobe xisbiga isaga ayaa yimid iminkana in uu ka tago wax dhib ah uma arko waana arin caadi ah oo maalin kasta ka dhacda asxaabta iyo siyaasiyiintaba ”.
Gudoomiye ciro ayaa waxaa uu sidoo kale sheegay in muj.Boobe xaq u leeyahay in uu markii horana xisbiga yimaado iminka uu iska casilo
“In kasta oo anan dhageysan hadalkiisii xaq ayuu u leeyaha in uu yimaado iyo in uu ka tago labadaba “ ayuu hadalkiisii ku soo koobay gudoomiye Ciro
Halkan Hoose Ka Daawo Muuqaalka Warkan
Ilaysnews/Hargeysa Office