|
|
Hargeysa(Berberatoday.com)-Golaha Guurtida Somaliland oo ahaan jirey mid dhexda u xidha marka muran dhex maro ummadda ama shaqsiyaadka haya masiirka shacabka ayaa muddooyinkii u danbeeyey ay maalinba maalinta ka danbeysa, waxa hoos usii dhaacaya gudashada waajibaadkooda shaqo ee ay Qaranka u hayaan.Golaha Guurtida Somaliland oo kamid ah Hay’addaha udub dhexaadka u ah Qaranka ayaa xilliyaddii hore ahaa kuwa dhex-dhexaadinta arrimaha muranka ah ee saameynta ku yeelanaya nabad gelyada si weyn wax uga qaban jiray, halka maanta la”la yahay magacooddii iyo doorkii ay ku lahaayeen arrimaha Nabadeynta.
Dhamaan xubnaha golaha guurtidu maalin keliya kamey hadal arrimaha nabad gelyo darro ee dhowaanaha kasoo cusbnooda deegaanada xududa ah ee lagu muransan yahay, isla markaana dhowaan ay ka dhacday rabshadihii lagu rasaaseeyey goob diiwaangelineed deegaanka Lughaya ka tirsan iyo sidoo kale, xiisadihii bilihi lasoo dhaafay ka taagnaa gobolka Saaxil. Iyaddoo ay ka sameysantay Dabley hubeysan oo laba garab ah. Arrintaas oo sababtay in dhowaan la dilo Taliyihii qaybta gobolka Saaxil, ilahay ha u naxariistee Marxuum Caseyr.
Golaha guurtida Somaliland ayaa qaarkood tamashle ugu maqan yihiin dalka dibedisa, kuwaasoo ay kamid yihiin Gudoomiyihii golaha Md. Saleebaan Maxamuud Adan, halka kuwa kalena ay iskaga tamashleynayaan gudaha Somaliland. mudanayaasha golaha Guurtida ayaa qaranka Bil walba uga xaadira dhaqaale midkiiba ka badan 5 Milyan oo shilinka Somaliland ah, lacagtaas oo imika aanay haba yaraatee waxba ugu qaban qaranka. Haddanu nahay maamulka guud ee shabakadda Warar ee Xogreebnews waxanu idiin ballaan qaadeynaa inaanu idiin soo gudbino waajibaadka shaqo ee Dastuurka Jamhuuriyadda Somaliland farraayo golaha Guurtida ee dalka… la soco.