|
|
Balli-dhiig/G/Togdheer(Berberatoday.com)-Guddoomiyaha Degmada Balli-dhiig ee Gobolka Togdheer Fu’aad Cali Xasan, ayaa ka hadlay Warar lagu baahiyey Internet-ka, kuwaasi oo lagu sheegay in Gaadhigii loogu talo-galay inuu Degmada ugu adeego uu u beddelay Gaadhi lagu qaado Qaadka (Jaadka).
Guddoomiyaha Degmada Balli-dhiig oo Warbaahintu la xidhiidhay, ayaa sheegay in Gaadhiga Qaadka lagaga Ganacsado ee la sheegay inuu yahay Gaadhigiisa leh Lambarka Dawladda (GT) aanu ahayn Gaadhigiisa, hasa-yeeshee uu yahay Gaadhiga uu wato Xoghayaha Degmada Balli-dhiig oo Dawladdu leedahay.
Guddoomiye Fu’aad Gacan oo arrintaas ka hadlaya, ayaa yidhi, “Gaadhiga la qoray in Qaad lagaga Ganacsado Maaha Mid Maayar wato, ee Waa Gaadhiga Xoghayaha degmadu wato.”
Guddoomiyaha oo hadalkiisa sii wata, ayaa sheegay, “Gaadhigaasi waa ka Xoghayaha Degmadu wato ee Maaha mid aan Anigu Shuqul ku leeyahay oo aan Anigu ogahay, waxaana lagala xidhiidhayaa Xoghayaha Degmada Balli-dhiig.” Ayuu yidhi, oo uu hadalkiisa ku soo gabogabeeyay.
Berberatoday.com