WAR-SAXAAFADEED KA DHAN AH MAAREEYAHA WAKAALLADA QURBEJOOGA SOMALILAND OO AY SOO SAARTAY DALLADA JAALLIYADAHA SOMALILAND EE SSE

March 14, 2016 - Written by berberatoday berberatoday

WAR-SAXAAFADEED KA DHAN AH MAAREEYAHA WAKAALLADA QURBEJOOGA SOMALILAND OO AY SOO SAARTAY DALLADA JAALLIYADAHA SOMALILAND EE SSE

Dhamaan ururadda hoos ku qoran iyo hogaankooduba waxay cambaareynayaan falalka dhaawaca ku ah wadajirka qurbojooga Somaliland ee uu ku kacayo gudoomiyaha qurbajooga Somaliland, Abdi Abdilahi Hirsi. Annagoo garwaaqsan in wakhtigan xaadirka ah loo baahanyahay waddajirka ummadda Somaliland gudo iyo debadba ayaan waxan gudomiyaha qurbajooga uga dignay in uu ka feejignaado kala qayqaybinta ururadda iyo dadka Qurbojooga Somaliland. Qaybata Denmark ee jaaliyadda SSE oo ah daladda ugu weyn Yurub kana hawlgasha 17 dal oo EU ayaa ku dhaliishay hanaanka gudoomiyaha Qurbojoogu u magacaabayo gudiyadda loo sameeynayo Yurub ee loogu talo galay dedaalka ictiraaf raadinta. Danmark waxa ka jira in ka badan 12 jaaliyadood oo Somaliland leedahay, halka Copenhagen aay ka diiwaan gashan yihiin 8 Jaaliyaddood, Waxa dhacday jaaliyad la isku qabsaday magaalada Copenhagen , kabacdina kala qaybsantay, oo kooxdii ugu yarayd murankana dhalisay looga dareeray jaaliyadda. Jaaliyaddaas oo aan haysan wax taageero ah iyo xubno joogta u bixiya lacagaha xubin kaga noqoshada, marka laga reebo gudidda jaaliyaddaas.

Maqalkii imaatinka gudoomiyaha qurbajooga waxa jaaliyaddihii kale iyo waxgaradkiiba uga digeen gudomiyaha qurbajooga Somaliland Abdi Abdilahi Hirsi inuusan lasafan kooxda dhaawacday waddajirkii qurbajoog Somaliland ee Danmark. Balse gudoomiyuhu intii uu ku sugnaa Danmark wuxu la kulmay tiradda Sawirka ka muuqata oo aay soo qaban qaabiyeen ururka “Dansk Somaliland venskabsforening”, halka laga qariyay dhaman ururaddii Somaliland ee Danmark ku noolaa.

Haddaba dhamaan ururadda Somaliland ee hoos ku xusan, kuna nool Danamrk waxay cadeynayan in aysan taageersanayn gudidda uu magacaabay iyo kooxda loo igmaday oo wax awood ah u lahayn isku xidhka bulshadda qurbajooga Somaliland iyo ka midho dhalinta Qadiyadda Somalilandba, balse gudoomiyuhu dangaar ah uu ka leeyahay.

Waxa ururka “Somaliland Diaspora Organization” oo ah daladda guud ee ururadda Somaliland Danmark qaban doonaa shir ay ku dooran doonaan gudi ay ku baahoobeen ururadda Somalilandee Danmark. Wixii ka soo baxa shirkaa guudna waxaa loo gudbin doono Saaxiibada iyo laamaha dawladda ee Danamrk ee ay khuseeyso, sida Wasaaradda Arrimaha debadda Denamrk, loona gudbin doono qoraaladda iyo gudiga lagu magacaabo shirka Ururadda Somaliland ee Danmark. Uraradda Somaliland waxay carrabka ku adkeenayaan baahida loo qabo in laga gudbo matalaadda ku salaysan kooxaysiga iyo inay lama huraan tahay baadigoobka hanaanka dimuqraadiyaynta Somaliland iyo ictiraaf helidba.

Waxaana muhiim ah inuu ogaado gudoomiyaha qurbajoogu in jaaliyadaha Yurub ee SLND inkasta oo ay Somaliland ka yimaadeen hadana ay yihiin dad european citizen ah isaguna yahay masuul dawladda Somaliland, gudoomiyaha qurbajooguna aanu xaq ulahayn inuu dhibaato ka dhex abuuro jaaliyadaha Somaliland ee Yurub, sida ka dhacday UK, France, Norway, Denmark iyo kuwa kale ee yurub ahba, arintaasina tahay arin denbi ah sidoo kalana ceeb iyo sharaf dhac ku ah wasaarada arimaha debida ee Somaliland iyo guud ahaanba milgaha dawladnimo ee Qaranka Somaaliland.