|
|
Garowe(Berberatoday.com)-Dagaal xoggan ayaa goordhaweyd ka bilowday nawaaxiga degmada Godob-jiiraan ee gobolka Nugal, waxaan iska hor-imaadkaasi u dhaxeeyaa ciidamada Puntland iyo mallayshiyaadka taabacsan xarakada Shabaab ee dhawaaan kasoo dagay deegaanka Garacad ee gobolka Mudug.
Dagaalkan ayaa yimi xilli ciidamada Puntland go’doomiyeen kooxdaasi oo lasoo warinayo inay haysato dhibaato xooggan dhanka nolosha, waxaana la sheegay inaysan u furney meel ay maraan marka laga reebo dhanka badda.
Ciidamadan oo aad u habaysan waxaa hogaaminaya Gaashaanle dhexe Jimcale Jamac Warsame, wuxuuna markii hore ku bilowday xabado goos-goos ah iyadoo goob-joogayaal nawaaxiga dagaalka kusugan warsidaha Garowe Online u xaqiijiyeen in la isweydaarsanayo hub xooggan.
Dagaalkan ayaa yimi xilli kooxo kuwan lamid ah lagula dagaallmay deegaanka Suuj oo katirsan degmada Dangoroyo ee gobolka Nugal.
Berberatoday.com