|
|
Cuba(Berberatoday.com)-Madaxweynaha dalka maraykanka mr Brack Obama ayaa booqasho uu ku tagay dalka Cuba, waxa uu xafiiskiisa kulan kula yeeshay madaxweynaha dalkaasi. Kulankaasi labada madaxweyne dhexmaray ayaa ay si toos ah isugu gudbiyeen eedo iyo tallooyin uu midba midka kale u jeedinayo.
Labadan Madaxweyne Arrimaha ay sida weyn ugu kala qaybsan yihiin ayaa waxa ka mid ah dimuquraadiyadda iyo arrimaha la xiriira xaquuqul insaanka.
Madaxweyne Obama ayaa sheegay in xidhiidhka u dhaxeeya labada waddan uu gaadhi karo meel wanaagsan haddii Cuba ay horumar ka sameyso isbadalada dhanka siyaasadda iyo xaquuqul insaanka.
Dhanka kale madaxweyne Raul Castro ayaa mareykanka ku eedeyay labo wajiilanimo, waxa uuna si weyn u dhaliilay xayiraadaha dhaqaale ee saaran dalkiisa.
Castro ayaa ugu baaqay Obama in uu gacanta dowladdiisa ku soo celiyo saldhigga ciidamada badda ee Guantanamo.
Inkastoo ay kala qaybsanaantaasi jirto haddana labadani hoggaamiye ayaa waxa ay sheegeen in ay doonayaan in ay ka wada shaqeeyaan sidii loo wanaajin lahaa xidhiidhka ka dhaxeeyo labadani dal, iyagoo sidoo kale shaaciyay horumarka ay ka gaadheen arrimahaasi.
Berberatoday.com