|
|
Hargeysa(Berberatoday.com)-Maxkamadda gobolka Maroodi jeex ayaa Shalay mudaysay dacwad loo haysto Wargeyska madaxabanaan ee Ogaal, isla markaana waxay maxkamaddu masuuliyiinta wargeyska ogaal ku wargelisay inay ka soo qayb galaan dacwadda loo haysto.
Qoraalka Maxkamadda ka soo baxay oo Xalay Wargeyska Ogaal soo gaadhsiiyay Wargeyska Geeska Afrika, oo uu ku saxeexanyahay garsooraha maxkamadda gobalka maroodi jeex Xasan Cabdillaahi Cawaale, ayaa u dhignaa sidan “Maxkamada Gobolka M/jeex Hargeysa waxay u mudaysay maalinta ay taariikhdu tahay 02/04/2016, 8:00 saac ee subaxnimo ee ay garsuge ka yahay eedaysanaha magiciisu yahay:- Muuse Jaambiir Ibraahim ina Deeqa Xuseen L/47 jir ah
kaas oo ku eedaysan Qod:-328, 269 iyo 452 XCG
Sidaa darteed waxay maxkamada gobolka hargeysa idinku amraysaa inaad ka soo qayb gashaan dhagaysiga dacwadan ciqaabta ah ee sumadeedu sare ku xusan tahay.
F.G: Maxkamadu waxay qaadaysaa talaabo sharciya oo ku haboon dhinicii ka maqnaada fadhigan maadmaa oo fadhiya hore baaqdeen.”
Berberatoday.com