|
|
Go,da Weyn(Berberatoday.com)-Gudoomiyaha xisbiga kulmiye Muuse Biixi Cabdi iyo wafti wasiiro ah oo uu hogaaminaayo ayaa waxaa ay safar olale iyo tamashale ah ugu tageen dadkii ay abaaruhu sameyeen
Deeganada uu waftigan xisbiga kulmiye tamashlaha ku tagay ayaa ah deegano hoos yimada gobalka Saaxil isla markaana ay ka jirto abaar xun oo dad iyo duunyaba sameyn xoogan ku yeelatey .
Gudoomiye Muuse Biixi iyo waftigiisa ayaa faro madhanaan la hor istaagay dadweyne faro badan oo dushooda diifi ka muuqato kuwaas oo markii ay arkeen baaburta kolonyada ah ee is daba socoto moodey in ay yahiin sahay iyo Zaad gargaar ah oo u socda waxaa se fajac iyo amakaag noqotey ka dib markii ay ka soo degeen baabuurta waftiga faraha madhan ee uu hor kacaayo Muuse Biixi isla markaana ay shacabka ku booriyeen in ay codkooda siyaasaan xisbiga kulmiye.
Deeganada uu waftiga uu hogaaminayo ay tamashalaha ku tageen ayaa waxaa ka mid ah Biyo-Fashiisinka, Derida, Go’da Yar Iyo Degmada Go’da Weyn halkaas oo ay abaar sameyn xoogan ku yeelatey ay ka jirto .
Waxaa xusid mudan in gudoomiye Muuse Biixi laba cisho ka hor madaxtooyada ka dhexdeeda kaga dhex tiraabaayey in ay dalka ka jirto abaar xoogani isla markaana loo damqado dadka oo la hakiyo diwaangalinta waxaase falcelinteedu noqotey in uu isagu uu bilaabo safare tamashale iyo olale isku jira .
