Kun jeer faysaloo dhacay markuu kaalin geli waayay.

Jamaal koobsayoo hiil markuu ucid-da kaalmeeyay.

Kobta libinta deerooy markuu kor ugu soo qaaday.

Kaskii cali waraabaa qaribay guul Kolkay timiye.

Kaash gurasho mooyee han way kala lugeeyeene.

Muran iyo kelmado naaqusnimo korodhso mooyaane.

Kootaligu duul inu kasbado kaafka kuma taale.

Kaartadi aqoon yahanka iyo jabi kabaalkiiye.

Heshiiskiyo sharcigi kala dhex yiil maalin kala tuurye.

Munaafaqu axdiga kuma dhaqmee kibir u beeneeye.

Astaamaha kufrigu waw astaan waana kala kaane.

Xisbi kiro ah iyo madaxtinimo waa dar kala Dheere.

Khalqigoo kuyuu ugu jiroo kaadhka wada haysta.

Waxaa kaba la,aan baday nin aan ceebtu kari hayne.

Inuu kaashifnimo dheefsadaa waa kadeed culuse.

Wixii laysku kaashaday badheedh dhab uga kaaftoonye.

Kulmiyiyo waddani labada gelin Kulan ha yeeshaane.

Abudkii dilaal kama koree kuusas loo tiriye.

Halkuu murashax foodka u kacee loo kalahay guusha .

Adiguna kufkaa ka hadhayoo malihid kaynaane.

Halkaa kuudud koofiyad bacloow kaadhkii kaa gubaye.

Karantiimo laantana ka noqo karah lagaa qaadye.

Abwaan Xiis Maxamed Cilmi(Shanfool)

Berbera/Somaliland