|
|
Hargeysa(Berberatoday.com)-Xogo xaqiiqo ah oo ay helayaan Warbaahinta Madaxa Banaani ayaa waxaa ay sheegayaan in habeenkii xalay guriga gudoomiye Muuse ku leeyahay magaalada Hargeysa uu ka qabsoomay kulan ay isku yimaadeen beesha gudoomiye Muuse Biixi kuwaas oo kaga tashaanaayey hawlo u gaar ah
Kulanka ayaa waxaa xubnihii ka qeyb galaayey ee ay isku beesha ahayeen gudoomiye Muuse Biixi u sii kaxeeyeen isla markaana ay guriga geeyeen masuul ka tirsan isbaheysiga Kulmiye oo ay isku beel yahiin gudomiye Muuse Biixi
Masuulkan oo lagu magacaabo Ina Awar Liqe isla markaana hore u ahaan jiray agaasimaha wasaarada xidhiidhka golayaasha Somaliland kana mid ah siyaasiyiintii Isbaheysiga iyo mujaahidiinta madasha wadatashiga
Markii uu gudoomiye Muuse Biixi shirka ay beeshiisu ku laheyd aqalkiisa uu soo dhex fadhiistey ayaa waxaa u markiiba indhaha ku dhuftey siyaasigan ay siyaasada ku kala aragti duwaanadeen balse caawa aqalkiisa kula sugan
Gudoomiyaha ayaa waxaa uu siyaasigan ugu hanjabey sababta uu gurigiisa u soo galay waxaana uu cod dheer ugu sheegay in sida ugu dhakhsaha badan uu uga baxo Guriga
ragii ay isku beesha ahayeen Gudoomiyaha iyo siyaasigan ayaa isku dayey in ay arintan dhex dhexaadin ka galaan balse gudoomiye Muuse Biixi ayaa ku gacan seydhay kuna cel celiyey in uu aqalkiisa ka baxo
Ugu danbeytii markii gudoomiye Muuse Biixi uu aqbali waayey hadalkii iyo soo jeedimihii beeshiisa waxaa uu xalku noqdey in uu siyaasigan dibada uga soo baxo guriga gudoomiyaha Muuse Biixi oo marka horeba lagu kaxeeyy ju juub iyo cago jiid
Xigasho Ilaysnews.com