Muxuu Daaranaa Kulankii Dubai ee Sheekh Shariif-ka Soomaliya Iyo Gudoomiyaha UCID?
April 15, 2016 - Written by Berbera Today
Dubai(Berberatoday.com)-Gudoomiyaha Xisbiga Mucaaridka ah ee Ucid Eng Faysal Cali Waraabe, iyo sidoo kale, Madaxweynihii hore ee dawlada ku meelgaadh ah ee Somaliya Sheekh Shariif Sheekh Axmed ayaa la sheegay in kulan saacado qaatay uu ku dhexmaray magaalada Dubai ee dalka isu-tagga imaaraadka carabta. Ma jiro war labada dhinac kasoo baxay oo kulankooda ku saabsan.
Hase-yeeshee Wararka laga helaayo kulankan qaarkood, ayaa tibaaxay in Gudoomiye Faysal iyo Md. Sheekh Shariif Sheekh Axmed isla soo qaadeen arriimo la xidhiidha Mustaqbalka danbe ee Siyaasadooda shaqsiyaadeed, isla markaana sida xoggaha lagu sheegay in mid waliba geestiisa kan kale uu ku boggaadiyey kusoo laabashada madaxtimada Soomaliya iyo Musharraxnimada Xisbiga Ucid. Waxa kaloo, wararka amuurtan la xidhiidha xuseen in labada masuul kusoo laabashadooda Siyaasadda sida ay u arkaan ay uga maarmi waayeen mustaqbalka wadahadallada Somaliland iyo Soomaliya.