|
|
Hargeysa(Berberatoday.com)-Xoghayha warfaafinta xisbiga mucaaridka ee Waddani Cabdirashiid Xassan Mataan horena u ahaan jiray musharaxa madaxweyne ku xigeen ee xisbiga UCID ayaa waxa uu dhaliilo culus u soo jeediyey gudoomiyaha xisbiga UCID Eng Faysal Cali Waraabe
Muddane Cabdirashiid Xassan Mataan waxaa uu sheegay in Faysal Cali Waraabe uu horseed u ahaa muddo kordhintii loo sameeyey xukuumada madaxweyne Siilanyo iyo hakintan lagu sameeyey diwaangalinti cod bixiyaasha waxaana uu yidhi
” Waxaan canbaareynayaa Eng Faysal Cali Waraabe waliba si shaqasi ah baan u canbaareynaa gudoomiyaheygii buu ahaa waxaa uu gudoomiye u ahaa xisbi ah hanti umada Somaliland leedahay xisbigaas waxaa u codeeyey oo soo saaray dad aan ka yareyn Boqol Kun Oo Qof waxaana uu leeyahay in ka badan dhawr iyo koton xildhibaan oo dawladaha hoose ah lakiin xisbigii sidaas ahaa waxaa uu Faysal ka dhigay wax umada Somaliland lagu carqaladeeyo .
Faysal waxaa uu hormuud ka ahaa muddo kordhintii xukuumada loo Sameeyey waxaa uu maantana uu hormood ka ahaa hakintii diwaangalinta waxaana u markhaati furaayey gudoomiye Saleeban ” ayuu xoghayha warfaafinta ee xisbiga Wadani Cabdirashiid Xassan Mataan horena u ahaan jiray musharaxa madaxweyne ee xisbiga UCID .
Halkan Hoose Ka Daawo Muuqaalka Warkan
Berberatoday.net