|
|
Nairobi(Berberatoday.com)-Madaxda dalalka Bariga Afrika ee ku shirayay magaalada Kampala ayaa go’aan waxey ku gaadheen inay dhistaan dhuun weyn oo shidaalka ka qaada Ugandha oo ay gaadhsiiso Tanzaniya.
Dhismaha dhuuntan waxaa la filayaa inay ku baxdo lacag gaadheysa afar bilyan oo dollar, sidoo kalena shaqa abuuris ay u noqota 15,000 oo qof.
Shirkadda Total ee laga leeyahay dalka Faransiiska ayaa diiday in Heshiiskaasi la siiyo Dowladda Kenya maadaama Shirkada ay ku andacootay in qeybo ka mid ah Dalka Kenya aysan aheyn amni.
Kenya ayaa Heshiiskan ku weyday Weerarada xoogan ee Xarakada Al Shabaab ay ka geysanayaan qeybo ka mid ah Dalkeeda.
Kenya ayaa sheegtay in dhuuntaasi Shidaalka ay ka dhiseyso Magaalo Xeebeedka Lamu balse Magaalada ayaa lagu tilmaamay mid u nugul Weerarada Al Shabaab.
Tobanaan ka mid ah Dagaal yahanada Xarakada Al Shabaab ayaa ku sugan qeybo ka mid ah Gobolka Waqooyi Bari iyo Degaanada xeebta leh ee Dalkaasi .
Berberatoday.com