|
|
Berbera(Berberatoday.com)-Qaar kamida dhalinyarada Reer Berbera oo maanta warbaahinta la hadlay ayaa gaashaanka udaruuray kulanka dhicisoobay oo habeenkii xalay ay xubno katirsan Xukumada iyo Xisbiga kulmiye ku qabteen Hutel Alxayaat Berbera, kulankaas oo daarnaa sidii taageero loogu raadin lahaa Gudoomiyaha xisbiga Kulmiye ee sida khasabka ah loogu caleema saaray musharaxnimada Xisbigaas oo aan wax kalsooniya loogu haynin Gobolka Saaxil islamarkaana dhawaan aflagaado iyo cayna kula kacay Bulshada kudhaqan Gobolka saaxil kuna tilmaamay tuug dadka kabaha iyo Mobilada kaga xada Bada Berbera Xiliyada loosoo dabaal tago sidoo kalena ku bakhtiiya dadka usoo dabaal taga.iyada oo aan horena taageero iyo kalsooni toona loogu haynin Gobolka Muuse Biixi cabdi ayaa hadana waxa shacabka reer saaxil colaada iyo cadho gaamurtay ku abuurtay hadalkaas milgaha ka fog ee kasoo baxay afka gudoomiye Muuse Biixi oo umuuqday mid uu ula badheedhay shacabka sharafta badan ee Reer Saaxil.
Dhalinyaradan Ayaa sheegay In Aan Maseerkooga Iyo Himilada Ay Leeyihiin Aanay Aan La Iibsanan Karin Iyagoo Tilmaamay In Aanay Matalin Dhalinyaro Gaar Ahi Gobolka Saaxil kulanmkaas xalayna ku tilmaamay mashruuc rag shaqaalaha dawlada iyo Xisbiga Kulmiye ka tirsani soo abaabuleen
Halkan Hoose Ka Daawo Muuqalka qaar kamida dhalinyarada Reer Berbera oo dhayda ka Cadeeyay inaanay wax taageero Ah Uhaynin Muuse Biixi Iyo Xisbiga kalsoonidii shacabka Lumiyay ee Kulmiye.
Berberatoday.com