|
|
Hilsinki (Berberatoday.com)- Shirwaynihii labaad ee Laamaha Xisbiga Kulmiye ee Dalalka yurub ayaa Shalay lagu Soo Gabogabeeyay Magaalada Helsinki ee Dalka Finland, Shirkaasi oo muddo laba Maalmood ah Socday halkaasi ayaa waxaa kasoo qayb galay Xildhibaan Maxamed Cali Xirsi (Obama) oo ka Mid ah Mudanayaasha Golaha Wakiilada Somaliland , Lataliyaha Madaxwaynaha ee Arimaha Dhaqaalaha Axmed Xasan Carwo iyo Dhamaan Hogaanka laamaha Yurub ee Xisbiga Kulmiye.
Shirkaasi oo ahaa Mid lagu Dardar galinayay Laamaha Xisbiga kulmiye ee Dalalka Yurub isla markaana lagaga Arinsanayay sidii Xisbul xaakimka kulmiye mar labaad Saaxada Siyaasada Dalka Hogaanka ugu qaban lahaa, sidoo kale waxaa lagaga hadlay halkaasi sidii laamaha Yurub Kaalin Dhaqaale oo mugleh uga Gaysn lahaayeen Ololaha Doorashooyinka iyo Kaambaynka Xisbigu uu kaga Gudbi karo Caqabadaha Soo Socda ee Doorashooyinka Madaxtinimo ee Somaliland .
Shirar Goos Goos ah oo labadii Habeen ee ugu Danbeeyay halkaasi ka Socday ayaa Xildhibaan Maxamed Cali Xirsi (Obama) oo Gudoomiyaha Xisbiga Kulmiye Muuse Biixi Cabdi usoo diray Shirkan kusoo Bandhigay Qaabka ugu Macquulsan ee la isugu Xidhi karo laamaha Xisbiga isla markaana si wada jir ah ay Gacan Buuxda uga gaysan lahaayeen Taakulaynta Dhaqaale ee Xisbiga Kulmiye wakhtiyada Doorashooyinka.
Berberatoday.com’
Helsinki/Finland