berberatoday.com
Madaxweynaha Somaliland Oo Qasriga Madaxtooyada Ku Qaabilay Aasasaha Iskulka Abaarso Tech Iyo Koox Warfidiyeena Oo Mareykan ah
May 2, 2016 - Written by Berbera Today

abar

Hargeysa(Berberatoday.com)-Madaxweynaha Somaliland Mudane Axmed Maxamed Maxamud(Siilanyo) ayaa maanta qasriga madaxtooyada ku qaabilay Asaasihii Dugsiga waxbarashada Abaarso Tech. warsaxaafadeed kulankaas laga soo saaray ayaa waxa uu udhignaa sidan hoos ku qoran

 

WAR-SAXAAFADEED: 02/5/2016

Madaxwaynaha Jamhuuriyadda Somaliland, Mudane. Axmed Maxamed Siilaanyo, ayaa xafiiskiisa ku qaabiley Mr Jonathan Starr oo ah aas-aasaha Iskuulka Abaarso Tech ee dhinaca galbeed ee Caasimada Hargeysa, oo ay weheliyaan koox warfidiyeeno ah oo ah kuwa soo saara barmaamidka lamagac baxay 60 daqiiqo (60Minutes) ee Telefeeshinka caalamiga ah ee CBS oo xaruntiisu tahay Waddanka Maraykanka, kuwaasoo uu horkacayo Mr. Henry Schuster.

Madaxweynaha ayaa ugu horaynba bilaabay ereyo uu ku soo dhawaynayo aas-aasaha Abaarso Tech iyo warfidiyeenka la socday, waxanu sheegay inuu dugsiga abaarso tech uu hayo dalka shaqo muhim ah, ugana mahadnaqayo ardayda ilaa hadda ka qalin jebisay dugsigaasi oo qaarkood nasiib u heleen, inay ku biiraan jaamacadaha ugu caansan dunida iyo kuwa haatan ku jira ee wax ku baranayaba, isagoo intaa raaciyey inuu dugsigu ardaydiisa u suurtogelinayo inay noqdaan kuwo wax la qaybsada facooda dunida horumartay.

Madaxweynuhu waxa uu ka hadlay Somaliland iyo dhinaca nidaamka dawladnimo, waxaanu yidhi, “Somaliland waa dal dimuquraadiya, oo ku dhaqma nidaamka dunidu ku dhaqanto iyo xeerarka caalamiga, oo ay ka jirto nabadgelyo iyo xasilooni taam ahi, waxanan ku rajo weynahay inaad dunida u sheegidoontaan, waxa wanaagsan eed naga aragteen mudadii aad ku sugnaydeen dalka, haddii aad tihiin warfidiyeenkan dalka soo booqday”. Warfidiyeenadan ayaa dalka ka diyaarin doona barmaamijyo ay kaga hadlayaan qadiyada Somaliland, kuwaasoo la filayo inay daawadaan dad lagu qiyaasay in ka badan 60 malyuun.

Waxa isna halka ka hadlay, aas-aasaha dugsiga abaarso tech Mr Jonathan waxanu ku dheeraaday inuu ka mahad sheegtay sida ay dawladu u gacanqabatay dugsiga uu aas-aasay, isagoo yidhi “Madaxweyne, waxan kaaga mahadnaqayaa qaabilaada aad nagu qaabishay xafiiskaaga, waxa kaloon kaaga mahadnaqayaa sidii muddadii todobada sanno ahayd ee uu dugsiga abaarso Tech jiray aanu gacan uga helaynay, xukuumadda, iyo shacbiga Somaliland oo noo suurtogeliyey inuu dugsigaasi hana qaado Ardayda ka soo baxaydaana noqdaan kuwo caalamiya oo ka qaybgala waxbarashada jaamacado caan ka ah dunida”.

Markii fadhigu soo dhammaaday waxa saxaafada la hadlay wasiirka warfaafinta, dhaqanka iyo wacyigelinta, Cismaan Cabdilaahi Saxardiid (Caddaani), wasiirka Macdanta iyo tamarta Eng Xuseen Cabdi Ducaale iyo Aas-aasaha Abaarso Tech Mr. Jonathan.

Xubnaha ka qaybgalay kulanka, waxa ka mid ahaa Maamulaha Iskuulka Abaarso Tech, Mr. James Linville, xoghayaha gaarka ah ee madaxweynaha Mudane Cali Axmed Cali, iyo Afhayeenka Madaxtooyada.

 

abka

ALLAA MAHAD LEH
Cabdiraxman Sh. Cilmi Fahiye (Shamax)
Af-hayeenka Madaxtooyada JSL.

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews