|
|
Ankara(Berberatoday.com)-Ra’iisal Wasaaraha Turkiga Ahmet Davutoglu ayaa ku dhowaaqay in uu xilka ka dagayo ka dib markii uu khilaaf soo kala dhex galay isaga iyo Madaxweynaha Turkiga Recep Tayyip Erdogan.
Ahmet Davutoglu ayaa xaqiijiyay inuu ku dhowaaqayo inuu xilka dagayo 22ka May xilligaas oo uu dhici doono shirweynaha xisbiga ka arrimaya dalka Turkiga.
Ra’iisal Wasaaraha Turkiga iyo Madaxweyne Erdogan oo kulmay gelinkii dambe ee shalay ayaa ku guuldareystey inay xalliyaan khilaafka u dhexeeya ee arrimaha qaxootiga,weerarada ururka IS iyo kooxaha Kurdishka.
Mr Erdogan ayaa la filayaa in uu ku bedelo ra’iisal wasaaraha degaya qof ay isla jaanqaadi karaan iyadoo lagu tilmaamo Erdogan inuu yahay qof ad adag.
Sidoo kale Mr Davutoglu ayaa la rumeysan yahay in uu diiday oo ka soo horjeestay qorshaha uu Erdogan ku doonayo in habka maamulka dalka Turkiga ay noqoto mid awooda uu leeyahay Madaxweynaha.
Berberatoday.com