Fadhateysi Hor-leh Oo Ka Bilaabmay Madaarka Berbera Ee Xukumadu Xidhey +Qalab Cusub Oo Maanta laga Rarey.

berberatoday.com

May 17, 2016 - Written by Berbera Today

Berbera(Berberatoday.com)-Maamulaha Madaarka Xidhan Ee Magaalada Berbera Ayaa Maanta Abaaro 12:00 Maalino Gaadhi Weyn oo Waraad ah ka Saarey Mashiinkii laydhka ee u bixi jirey Madaarka Berbera iyo qalab kale oo aan saxafada loo cadayn waxa uu yahay.

Mishiinkan oo Noociisu ahaa kuwa qaaliga oo Dawlada Kuweyt ay hore ugu deeqday Madaarka Berbera ayaa laga qaadey madaarka,iyadoo aan la garaneyn meesha la geynayo iyo sababta keentay in qalabkii madaarka Berbera maalin walba loo daad gureeyo Dhinaca Caasimada Somaliland ee Hargeysa,

Maamulaha Madaarka Berbera C.qani Cali Ismaciil Ducaale oo aanu isku daynay inaanu wax kaweydiino Qalabkan iyo Mashiinkan laga qaaday Madaarka ayaaney noo suura galin in aanu helo.

Qalabkan Maanta laga Rarey Madaarka Xidhan ee Magaalada Berbera ayaa ku soo beegmaya Xili ay hore Wasaarada Duulista iyo Hawada Somaliland uga Rartey Salaamadii Diyaarada lagu korayey,islamarkaasina lagaga shaqeeyo dhinaca madaarka Caasimada Hargeysa,ilaa haddana ma cada Halka loo wado Mashiinkan iyo Qalabka kale ee Maanta laga qaadey Madaarka Xidhan ee Berbera, waxaaney wararka aanu ka haleno ilo madaxbanaani ay sheegayaan in Wasiirka Cusub ee Wasaarada Duulista iyo Hawada Somaliland uu Amrey soo qaadista Mashiinkaasi islamarkaasina loo wado qaar kamida Shirkadaha Leydhka u shida Caasimada, Balse kumay darin Qiimaha iyo Shirkada laga iibinayo magaceeda.