|
|
Hargesa(Berberatoday.com)-Dabley aan haybtooda la garanayn oo maalmihii ina soo dhaafay Magaaalada Burco ka afduubay xildhibaan Saciiid Maxamed Raage oo kamid ah golaha deegaanka burco ayaa soo daynta xildhibaanka ku xidhay shuruud.
Shuurada ay xildhibaanka soo dayntiis ku xidheen dableydani ayaa ahayd sida naloo sheegay inuu ka noqdo mawqifkii ahaa diyaarinrta mooshin ka dhan ah maayarka magaalada burco isla markaana uu l mawqif noqdo maayarka iyo xildhibaanada taabacsan.
Waxa dableydani ay sheegeen inaanay sii dayn doonin xildhibaanka ilaa uu badalo mawqifkiisa isla markaana uu maayarka ka daynayo dhaliilaha uu warbaahinta u marinayo, waxaana wararku ay intaa ku darayan in dableydan afduubtay xildhibanka uu dabada ka riixayo maayarka magaalada burco Maxamed Muurad.
Wararka nasoo gaadhaya aya shegay in xildhibaanka lagu hayo guri ku yaala duleedka magaalada burco, waxaana ciidamadu ay wadaan dabagal ay ku badbadinayaan xildhibaanka isla ay kusoo qabqabnayaan dableyda afduubka ku haysata xildhibaan Saciid Maxamed Raage.
Berberatoday.com