|
|
Daarasalam(Berberatoday.com)-Booliska dalka Tanzania ayaa saddex qof u soo qabtay weerar xalay lagu qaaday masjid ku yaala galbeedka dalkaasi, oo ay ku dhinteen ilaa saddex qof.
Booliska ayaa dhacdadaasi ku tilmaamay “weerar leh qaab argagixso”.
Dad goobjoogeyaal ah ayaa sheegay in kooxda weerarka gaysatay oo ka koobnayd ilaa 15 nin oo wajiyada soo duubtay, ay ku hubeysnaayeen faashash, masaaro iyo calan madow oo uu ka muuqdo qoraal cad.
Kooxdani ayaa lagu soo waramayaa in masjidkaasi ay gudaha u galeen abbaaro 8-dii fiidnimo, xilligaasi oo salaadda cishaha lagu jiray, ka hor inta aysan fulinin weerarkaasi.
Dadka halkaasi ku dhintay waxaa ka mid ah Iimaamkii Masjidka iyo labo qof oo kale.
Afar qof oo kale ayaa lagu soo waramayaa in ay qabaan dhaawacyo halis ah.
Wararka ayaa intaasi ku daraya in dadku ay weydiyeen sababta ay u tukanayaan xilli dad muslimiin ah si xaq darro loogu hayo xabsiyada booliska ee dalkaasi.
Weerarkan ayaa ku soo beegmaya xilli ay sii kordheysa cabsi laga qabo in koox diimeedyo mayal adag ay dalkaasi ka billowdaan.
Ilaa iyo haatan ma jirto koox sheegatay mas’uuliyadda weerarkaasi oo ay xitaa madaxa golaha muslimiinta dalkaasi uu cambaareeyay.
Source BBC