|
|
Hargeysa(Berberatoday.com)-Wasiirka Arrimaha gudaha Somaliland Mudane Cali Maxamed Waran Cadde, ayaa xafiiskiisa ku qaabilay wefti ballaadhan oo ka socday Madaxtooyada Dawladda Cumaan .
Weftigan oo uu hogaaminayey dhaxal sugaha Boqortooyada Cumaan General Nuux ayaa ujeedada socdaalkoodu ay ahayd sidii ay usoo indho indhayn lahaayeen xaalada amaan iyo ta maalgashi ee Somaliland.
Waxaana wasiirka arrimaha gudaha ay kala hadleen xaalada amaan ee dalka isaga oo wasiirku ku qanciyey ugana xog waramay in guud ahaanba dalka Somaliland uu amaankiisu yahay mid sugan isla markaana ku qanceen lana qaateen.
Dhinaca kale, weftigu waxa ay Wasiirka Arrimaha Gudaha kala hadleen sidii loo mattaanayn lahaa islamarkaana ay xidhiidh dhinaca amaanka ay u wada yeelan lahaayeen Dawladda Cumaan Iyo Dawladda Somaliland.
Berberatoday.com