|
|
Berbera(Berberatoday.com)-Wariye Sidiiq Carab Saleebaan oo katirsan Bahda Warbaahinta Gobolka Saaxil kana hawlagala Tvga Madaxa banaan ee SBC ayaa maalintii labaad sife sharcidaro ah ugu xidhan Saldhiga dhexe ee Berbera iyada oo aan xadhigiisa loo marin sida sharcigu jideeyay oo ah in Waaran Maxkamadeed uun Wariyaha lagu Xidhi karo ayaa waxa si sharciga dalka uyaala baalmarsan uga soo xodhay Degmada Sheekh Ciidamada Booliska ee Degmada Sheekh ee Buuralayda ah kadib markii Wariyaha oo halkaas kusugnaa maalmihii udanbeeyay isaga iyo xaaskiisu la kulmay Mudaharaad ay dhigayaan dadka kudhaqan degmadaasi iyaga oo taayiro ku gubay jidadka magaaladaasi sheekh dhex mara, Mudaharaadkaas ayaa la sheegay inay dadka dhigayaayay ku diidanaayeen in shirkada DP World lagu wareejiyo Dekeda caalamiga ah ee Berbera amaba laga kireeyo.
Wariyaha ayaa xiliga la soo xidhay Joogay Hutelka uu ka daganaa Magaalada Sheekh ee Dawaare Hutel waxaana halkaas kasoo kexeeyay oo waliba jugo uguaystay Ciidanka Booliska Degmada Sheekh oo uu hogaaminaayay Taliyaha Saldhiga Degmada Sheekh Aamin Maxamed Cabdi sida ay noo sheegeen dad goobjoogayaal ahi.
Wariye Sidiiq Carab Saleeban ayaa mudo laba maalmood sife sharcidaro ah ugu xidhan Saldhiga dhexe ee Berbera iyada oo habeenkii xalay laga soo qaaday Saldhiga booliska Degmada Sheekh oo uu Kuxidhnaa ilaa shalay sidoo kale wararka aanu ka helayno Xadhiga wariyaha ayaa sheegaya inuu Saldhiga ku dhex xanuunsaday oo uu jiifo Xanuunka Gastariga oo aan Xisbataalna la gaynin
Berberatoday.com