|
|
Hargeysa(Berberatoday.com)-Ciidamada Booliiska Magaalada Hargeysa ayaa goordhaweyd xabsiga u taxaabey gudoomiyihii hore Ee Degmada laasgeel Ee Gobolka Maroodi-jeex Axmed Muuse Cabdi.
Sida ay u xaqiijiyeen goobjogayaal ku sugnaa goobtii ciidamada booliisku ay qabteen Oo Ku taal xaafada 150 Ee magalada Hargeysa, ayaa shabakada Mandheera u xaqiijiyey Xadhiga Gudoomiyaha.
Sidoo kale Waxay ku Dareen in Ciidankan qabtey gudoomiyihu ay saarnayeen labo xaajiyadood,islamarkaasina ay isweer ka qanteen goobta laga qadhiyey gudoomiye Axmed Muuse,kuwaasi Oo Si argagax leh Gudoomiyaha uga dhex qafaashey Marfashkii uu ku sugnaa, waxaana la sheegay in gudoomiyuhu uu ku tiraabayey waaran maxakamadeed miyaad sidataan,BALSE dhag aaney ciidamadu u jalaqsiinin.
Ilaa hada lamo garanayo sababta dhabta ah ee ka dambeysay Xadhiga gudoomiyihii hore e Degmada laasgeel,balse waxay tibaxayaan xogo Madax banaan Oo soo gaadhey shabakada mandheera ayaa sheegay in gudoomiyuhu uu ku jiray Liis Ciidamada booliisku ay mudooyinkii ugu dambeeyey ay baacsanayeen,kuwaasi Oo loo haysto Inay Warbahinta ka tageereen SHIRKA beesha gobolka SAAXIL Ay ku qabsanayaan Degaanka BAXAROSAAFKA, Shirkaasi Oo mudooyinkii u dambeeyey qabanqaabadiisu ay ka socotay Magaalada Hargeysa.
Ma aha gudoomiyuhu qofkii kowaad Ee ciidamada Boliisku ay xabsiga u taxabaan,waxaana GUDOMIYAHA ka horeeyey shakhsiyaad kale Oo KASOO jeeda GOBOLKA SAAXIL kuwaasi Oo 21 Habeen Ku xidhan qaar katirsan saldhigyada Hargeysa,kuwaasi Oo lagu soo xidhay tageerista SHIRKA BAXAROSAAFKA.
Xigasho Mandheeranews.com