Xisbiga WADDANI Oo Ka Hadlay Warar Sheegaya In Xukuumaddu Qorsheynayso In Mar Kale Muddo Kordhin Loo Sameeyo
July 11, 2016 - Written by Berbera Today
“In Xubno ka tirsan Wasiirrada Xukuumaddu ka shaqeeyaan sidii mar kale Xukuumaddu Muddo kordhin u heli lahayd waxaanu Qariibsan karno Maaha..” Afhayeenka WADDANI – Wareysi
Hargeysa(Berberatoday.com)-Xisbiga Mucaaradka ah ee WADDANI , ayaa ka hadlay Warar soo kordhaya oo sheegaya in Xukuumadda Madaxweyne Axmed-Siilaanyo dedaal ugu jirto sidii mar kale loogu samayn lahaa Muddo Kordhin.
Xisbiga WADDANI oo Wargeyska Himilo waydiiyey dareenkooda ku aaddan Wararka sheegaya in Xukuumaddu doonayso inay Mar kale Muddo kordhin loo sameeyo, ayaa sheegay in aanay Qariibsanayn in Wasiirro Xukuumadda ka tirsani ka shaqeynayaan sidii mar kale Madaxweynaha Muddo kordhin loogu samayn lahaa, laakiin Mucaarad ahaan ay mar walba gaadhka ka hayaan sidii Doorashooyinka Madaxtooyada iyo Golaha Wakiilladu wakhtigii loo qoondeeyay ugu qabsoomi lahaayeen.