|
|
Hargeysa(Berberatoday.com)-Madaxtooyada Somaliland, ayaa Caawa ka hadashay Xaaladda ammaan ee Madaxweyne Axmed Maxamed Siilaanyo iyo Marwada koowaad ee Qaranka Aamina-weris oo Shalay Safar ku tagay Dalka Turkiga.
Guutooyin ka mid ah Ciidammada Milletariga Turkiga, ayaa Caawa isku dayey inay Inqilaabaan Xukuumadda Madaxweyne Erdogan, waxaana Arrintaasi ka bilaabmay Xaalad amni daro, ka dib markii uu dagaal dhex maray Ciidammada inqilaabka doonayey iyo kuwa ka soo horjeeday.
Madaxtooyada oo la socotay Xaaladda Dalka Turkiga ee Wakhtigan, ayaa War-saxaafadeed ka soo saartay Xaaladda Nabadgalyo ee Madaxweynaha Somaliland, waxaana War-saxaafadeedkaa lagu yidhi sidan:-
War Deg-deg ah: Sida aynu la wada socono waxa Dalka Turkiga caawa ka dhacay Inqilaab ay ciidamada dalku fuliyeen sida uu xaqiijiyey Ra’iisul wasaaraha dalkaasi, Binali Yildirim, Haddaba waxa halkaasi ku sugan oo xalay gaadhay Madaxweynaha Qaranka Somaliland Mudane Axmed Maxamed Silaanyo oo sidii aan hore u sheegay arimo shaqsi ah u tegay dalkaasi balse Madaxweynaha wax dhibi kama soo gaadhin Arrinkaa waxaanu ku sugan yahay magaalo ka.durugsan Ankara iyo Istanbuul”
Cabdiraxmaan Sh Cilmi Faahiye
Afhayeenka Madaxtooyada JSL”