Kala Qaybin iyo musuq maasuq ay ku Sameysay Safaaradda Somaliland ee Dalka Itoobiya Ardayda Somaliland ee Jaamacadaha Itoobiya Ka Qalinjabinaysay.

Akhriste waxa is weydiin leh sababta xukuumadda Madaxweyne Siilaanyo wax uga qaban laadahay fashilka weyn eek u yimid habsami u socodka safaaradda Somaliland ee Somaliland ku leedahay dalka itoobiya oo ay safiir iyo safiir ku xigeen ilmaadeer ahi maamulaan oo sida ay doonaan wax u maamulaan,iyadoo shaki la’aan ay tahay inay meesha ku lunsadaan boqolaal kun oo doolar oo iskugu jirta lacagta adage e ay ka qaadaan dadka ajaanibka ah ee fiisaha ka qaata safaaradda oo bixiya lacag adag balse lacagtaasi meel ay marto lama yaqaano,sidoo kale waxay si awood ah ugu takri falaan miisaaniyadda xarunta safaaradda oo ah lacag badan oo xad dhaaf ah,sidoo kale markii ay shaqadoodii ku fashilmeen safiirka iyo safiir ku xigeenku waxay u soo jeesteen inay ku maxaabsadaan ardayda reer Somaliland ee wax ka barata jaamacadaha dalka itoobiya,iyadoo had iyo jeer kula dhex jirta kala qaybin ay sal u tahay qabyaalad iyo kooxaysi fashilan,hadaba fadeexadihii ugu danbeeyey ee ay dhex dabaalatay safaaraddu waxa ka mid ahayd kadib markii wasiirka wasaaradda Waxbarashada Somaliland C/lahi Habane uu ardayda qalinjabinaysa ka bixiyey kharash badan oo ay ardaydu xafladda ku qabsadaan balse nasiib daro kharashkii waxa afka iska mariyey masuuliyiinta safaaradda oo arday ay soo xuleen oo taageersan u qabtay xaflad waraabe u taag ah,iyadoo ardayda sanadka qalin jabinaysay ay tiradoodu ahayd 80 arday oo aqlabiyadoodu diiday hanaanka iyo kooxaysiga qaybayaaladda ku salaysan ee masuuliyiinta safaaraddu wadaan ayey ku gacan saydheen aqlabiyadda ardaydu in aysan ka soo qayb gelin xaflad waraabe u taag ah oo lagu lunsaday lacago badan oo lagu qaatay magaca ardayda,kadib markii safiir ku xigeeku u diiday ardayda inay u madax banaanaadaan xafladdooda,iyadoo uu ku dooday in uusan u ogoleyn cid wax ka sheegta shaqada safaaradda ee ardaydu xog ogaalka u tahay,Mr Ayaanle safiir ku xigeenka ayaa waxa uu abaabulkii iyo isku duba rididii u dhiibtay koox isaga amaanta oo ahaa fadlan ku shubo lacag oo I dheh,hadaba waxa xusid mudan in dhamaan dufcadihii kala horeeyey ee ka qalinjabin jiray jaaamcadaha dalka itoobiya ay iyagu iskood ay u qaban jireen xafladaha qalinjabinta oo ay ku soo casumi jireen masuuliyiinta safaaradda.