Rasaasayn Uu Hal Qof Ku Geeriyooday Oo Laasacanood Ka Dhacday Xilli Diwaangalintii Codbixiyuhu Maanta Ka Bilaabantay + Sababta Keentay Is Rasaasaynta

August 22, 2016 - Written by Berbera Today

Hargeysa(Berberatoday.com)-Khilaf ka dhashay qiimaha Cashuurta ayaa sababay in qof uu ku dhinto mid kalena ku dhaawacmo is-rasaasayn u dhexaysey Qaad-layaan iyo Ciidamada Booliiska garoonka diyaaraddaha ee magaalada Laascaanood ee xarunta Gobolka Sool.

Lama cadayn karo sababta keentay khilaafka soo kala dhexgalay Maaliyadda iyo mid ka mid ah shirkadaha keena qaadka laga soo waarido wadanka Kenya, waxase warar laga helayo dadka ku dhowdhow ay sheegayaan in shaki ku yimi shirkada Qaadka ay u qaateen in looga eexaday mid kale oo tartan ka dhexeeyo.

Ma jirto cid ka hadashay dhacdadaan, iyadoo Dadkii ay waxyeelladu gaartay ay Dhamaantood kasoo jeedaan Dhinaca Qaadka.

Arintan Ayaa Kusoo Beegmaysa Xiilli Magaalada Laasacaanood Iyo Guud Ahaan Gobola Sool Ay Ka Socoto Diwaangalinta Codbixiyayaasha Somaliland.

Ugu dambeyntii, Wasiirka Arimaha Gudaha Somaliland, iyo Xubno wehelinayay ayaa Gaadhay goobta wax ka dheceen oo ah Garoonka diyaaradaha oo 8-KM Waqooyi kaga aadan magaalada Laascaanood.