Dawlada Ingiriiska Oo Walaac Ka Muujisay Go’aanka Madaxweyne Siilaanyo Ku Kala Qaadey Labada Doorasho War Murtiyeed Culusna Ka Soo Saartey + Akhriso

berberatoday.com

September 16, 2016 - Written by Berbera Today

Hargeysa(Berberatoday.com)-Dawladda Britain ayaa sheegtay in beesha caalamku walaac ka qabaan go’aankii madaxweynaha Somaliland Axmed Maxamed Siilaanyo uu ku kala qaaday in mar la wada qabto doorashooyinka madaxtooyada iyo baarlamaanka oo hore loo qoondeeyay inay mar wada qabsoomaan horraanta sannadka dambe.

Sida lagu sheegay war murtiyeed maanta ka soo baxay Xafiiska dawladda Britain ku leedahay Hargeysa, waxa lagu tilmaamay in go’aankaasi uu wiiqi karo kalsoonidii lagu qabay dimuqraadiyadda Somaliland. Hase ahaatee, madaxtooyada Somaliland ayaa hore go’aankaa ugu tilmaantay mid ka turjumaya danaha dalka.

War Murtiyeedkan dawlada ingiriisku soo saartey waxaa lagu sheegay in aanay beesha caalamku diyaar u aheyn in ay bixiso kharashka dheeriga ah ee soo baxa marka labada doorasho la kala qaado .

Waxaana ay dawladu ingiriisku si adag ugu baaqdey madaxweyne Siilanyo in labada doorasho ee wakiilada iyo madaxtooyada uu qabto wakhtigii maxkamada sare go,aamisay isla markana loo qoondeyey oo aheyd bisha saddexaad ee sanadka soo socoda

Dhinca kale waxaa lagu sheegay war muriyeedkan in dawlada UK aanay kaligeed soo saarin balse arigtidaas la qabaan dalalka kala ah Mareykanka , Sweden, Denmark , EU iyo qaramada midoobey .

” Dib u dhigista doorashada aqalka baarlamanka waxaa lagu dhawaaqey iyada oo aan loo heynin sabab sharci ah oo rasmiyan ah iyada oo gudoomiyaha maxkamada sare hore u sheegay in labada doorasho ee wakiilada iyo madaxtooyada mar la wada qabto hortaanta sanadka soo socda ee 2017.

Dadweynaha reer Somaliland waxaa ay safaf dhaadheer galeen in ay isdiwaangaliyaan si ay u codeeyaan labada doorashaba iyaga oo rajo ku qabey in loo ogalaan doono in ay codkooga dhibaan karaan wakhtigaasi ” ayaa lagu yidhi war saxaafadeedka oo ay shabakada Ilaysnews.com idiin soo turjuntey qeybta ugu mihiimsan