|
|
Hague(Berberatoday.com)-Dacwada kusaabsan muranka badda ee u dhexeeya Kenya iyo Soomaaliya ayaa lagu wadaa beri inay ka bilaabato maxkamada caalamiga ah ee kutaala the Hague, dalka Holland.
Dacwadaa oo bilaabanaysa Isniinta beri ah ayaa waxaa ay socon doontaa maalmaha dhowrka ah ee soo socda.
Kenya ayaa muran ka keentay xarriiqa xadka ee badda labada dal u dhexeeya ayadoo dooneysa in hoos iyo dhanka Soomaaliya loo leexsho meel la siman magaalooyin iyo dhul Soomaaliya kuyaal taasoo Soomaali aad u badan u cuntami la’. |
Haatan ayaa waxaa magaaladaasi the Hague ee Holland kusii qulqulaya abukaateyaal badan iyo wafuud doonaya inay ka qeyb qaataan dooda dacwada iyo dhageysigeeda.
Kenya ayaa ku andacooneysa in halkaasi la isku hayo ay qeyb ka tahay badda inta xeerarka caalamiga ahi u ogol yihiin inay ka aqdaamato ama ka kalluumeysato amaba macdan iyo shidaal ka qodato ama waxa afka qalaad lagu yiraahdo Exclusive Economic Zone (EEZ) waxaase la yaab leh dhanka ay dooneyso in xarriiqa loo leexsho oo Soomaaliya xarriiqu gudaha u galayo macquulna aanan ula muuqan dad aad u badan gaar ahaan Soomaalida.
Labada dalba waxaa maxkamada ku matalaya ama uga doodaya sharci yaqaano shisheeye!
Berberatoday.com