|
|
Musharraxa jagada Madaxweynaha Xisbiga Ucid Jamaal Cali Xuseen oo ku hadlaya afka golaha dhexe, ka Masuuliyiinta ugu saraysa Xisbiga, Laamaha dibeda iyo sidoo kale kuwa goboladda ee Xisbiga Ucid, waxa uu tacsi tiiraanyo leh u dirayaa Qoyskii, qaraabadii iyo qaranka Somaliland oo uu ka Tacsiyadeynaayo geeridii naxdinta lahayn ee ku Timi Rabbi naxariistii jano haka waraabiyee Cismaan Cabdilahi Cigaal oo ahaa shaqsi qiimo badan oo Kaalin mug iyo miisaan lehna kasoo qaatay dib-u-dhiska dalka Jamhuuriyadda Somaliland, isla markaana kamid ahaa dadkii seeska u dhigay qaranimada iyo horumarka aynu manta gaadhnay.
Ilahay ha u naxariistee Marxuum Cismaan Cabdilahi Cigaal oo hore xilal kala duwan uga soo qabtay qaranka Somaliland, isla markaana kamid ahaa Madaxdii ugu saraysay ee xisbigii UDUB, haddana waxa uu kamid ahaa Baayac Mushtariga dalka, Ilahay naxariistii jano haka waraabiyo Marxuum Cismaan Hindi Maanta waxa ku timi Tii xaqqa ahayd ee inteena Noolna ina sugaysay, Ilahay Il-ka neecow qabow ha uga furo, oo Iilka ha u waasiciyo, ehelkii, qaraabadii iyo qaranka Somaliland ee uu ka baxaynaa Samir iyo Iimaan Saadiq ah haka siiyo.aamiin .