|
|
Madrid(Berberatoday.com)-Maamulada dugsiyada dalka Spain ayaa dib uga noqday go’aan ay ku joojiyeen in dugsiyada dalkaasi lagu tago xijaabka go’aanka oo dhib aad u fara badan ay kala kulmeen hablaha islaamka ah ee dalkaasi wax ka barta .
Hadaba gabadh mageecada la yidha Taqwa Rajab oo ka mid ah ardayda wax ka barata dalkaasi ayaa dhib aad u fara badan kala kulantay go’aanka ay soo saartay maamulada dugsiyada ee dalka Spain ,kadib markii loo diiday inay gasho gudaha dugsiga ay wax ka baranaysa iyada oo xijaab xidhan Amarna lagu siiyay in bixiso xijaabka ,laakiin Taqwa ayaa ku adkaysatay in aanay marnaba ka tagayn dhaqankeeda islaamiga ah .
Waxa aanay madaxda dugsigeedku ku yidhaahdeen “ ma soo gali kartid dugisga adiga oo aan qaadan amarka lagu siiiyay kaasoo ah inaad u labisto sida gabdhaha wax kula barta “,hadaba waxa soo fara galiyay arrinta madaxda gobolka Balinseh ee dalkaasi Spain kadib markii ay arkeen in gabdhaha islaamka ah ee wax ka barta dalkaasi ay la kulmeen cadaadid aad u fara badan waxaana lagu amrau maamulada dugisyada in aanay kaligood go’aan gaadhi Karin isla markaan ixtiraamaan oo qadariyan dhaqamada dadka shisheeyaha ee ku dhex nool .
Sidoo kale waxay madaxda gobolkaasi amar ku bixiyeen in gabadhaha islaamka ee wax ka bartaa dalkaasi loo sameeyo dirays gaara .
Berberatoday.com