|
|
Hargeysa(Berberatoday.com)-Wadan ka mid ah dalalka Caalamka ayaa gabi ahaanba laga mamnuucay daawasada Filimaant Hinidga ah ka dib markii ay isku dhacen dalka Hindiya iyo dalkaasi laga mamnuucay.
Wadanka Bakistan ayaana la sheegay in maamulayaasha shineemooyinka waaweyn ee dalkaas ay mamnuuceen daawashada aflaamta Hindiga ah.
Arintan ayaa ku soo beegantay xili ay sii kordheyso xiisada colaadeed oo u dhexeysa dalalka Bakistan iyo India taasoo ka taagan xadka labada dal ay wadagaaan kaasoo kala qeybiya gobolka Kashmir.
Amarkan ayaa saameeyey shineemooyinka ku yaala magaalooyin ay ka mid yihiin Lahore, Islamabad, Karachi iyo kuwo kale, iyadoo milkiilayaasha shineemooyinku sheegeen in talaabadan ay ku taageerayaan ciidamada wadankooda ee difaaca kaga jira xadka India.
Go,aanka ayaa ka danbeeyey ka diob markii dhawaan ay koox mutidiin ah ay dileen 19 ka mid ah Ciidamada India gaar ahaan gobolka lagu mursan yahay halkaasi oo ay ka dhalatay xiisad hor leh.
Waxaana ay dawlada India soo dhoobtay ciidamo aad u tiro badan Kaashmiir gaar ahan qaybta ay maamusho iyada oo dawlada Pakistan ku eedaysay in ay ka danbaysay weerarkaasi lagaga laayey India Ciidamadaasi hase yeeshe xukumada Baakistaan waa ay iska fogaysay eedaymahaasi.
Waxaa la sheegay in sababo aan la ogeyn awgood uu u baaqday kulan deg deg ah oo masuuliyiinta labada wadan la isugu keeni lahaa, waxayna wararku sheegayaan in kumanaan qof ay ka qaxeen gobolka Kashmir iyagoo ka baqaya inuu saameeyo dagaalka laga cabsi qabo inuu ka dhex qarxo.
Muranka ka taagan gobolka Kashmir oo labada wadanba ay wada sheeganayaan ayaa soo taagnaa muddo fog, iyadoo ciidamada labada wadan ay dhowr jeer horey ugu dagaalameen gobolkaasi.
Berberatoday.com